ജലസേചന രംഗത്ത് മുരിയാട് പഞ്ചായത്ത് ഒന്നാം സ്ഥാനത്ത് നില്ക്കുന്നതായി റവന്യൂ വകുപ്പു മന്ത്രി കെ.പി രാജേന്ദ്രന് അഭിപ്രായപ്പെട്ടു. മുരിയാട് ഗ്രാമപഞ്ചായത്തിലെ കീറായിക്കുളം ലിഫ്റ്റ് ഇറിഗേഷന് പദ്ധതി ഉദ്ഘാടനം ചെയ്തുകൊണ്ട് സംസാരിക്കുകയായിരുന്നു അദ്ദേഹം. വിവിധ ജലസേചന പദ്ധതികള്ക്കായി പഞ്ചായത്ത് ഏകദേശം ഒന്നരകോടിയോളം രൂപ ചിലവഴിച്ചിട്ടുണ്ടെന്നും മന്ത്രി പറഞ്ഞു. ചടങ്ങില് ഇരിങ്ങാലക്കുട എം.എല്.എ അഡ്വ. തോമസ് ഉണ്ണിയാടന് അദ്ധ്യക്ഷത വഹിച്ചു. ഇരിങ്ങാലക്കുട ബ്ലോക്ക് പഞ്ചായത്ത് പ്രസിഡണ്ട് മണി ഉണ്ണികൃഷ്ണന് ഹെല്ത്ത് കാര്ഡ് വിതരണവും, ജില്ലാ പഞ്ചായത്ത് മെമ്പര് കെ.പി ദിവാകരന് മാസ്റ്റര് കഴിഞ്ഞ എസ്.എസ്.എല്.സി പ്ലസ്ടു പരീക്ഷയില് ഉന്നത വിജയം നേടിയ വിദ്യാര്ത്ഥികളെ അനുമോദിക്കല്, ഇരിങ്ങാലക്കുട ബ്ലോക്ക് പഞ്ചായത്ത് വൈസ് പ്രസിഡണ്ട് എം.ബി രാഘവന് മാസ്റ്റര് വിവാഹധന സഹായ വിതരണവും നിര്വ്വഹിച്ചു. പി.കെ വേലായുധന്, ശശിധരന് തേറാട്ടില്, പി.ആര് സുന്ദരരാജന്, ലളിത ബാലന്, ടി.കെ കരുണാകരന് എന്നിവര് ആശംസകളര്പ്പിച്ചു.
ഇരിങ്ങാലക്കുട സെന്റ് ജോസഫ്സ് കോളേജില് മലയാളവിഭാഗത്തിന് കീഴില് പ്രവര്ത്തിക്കുന്ന 'തുടി മലയാളവേദി' യുടെ ഈ വര്ഷത്തെ പ്രവര്ത്തനങ്ങളുടെ ഉദ്ഘാടനം മാള കാര്മ്മല് കോളേജിലെ പ്രൊഫ.കുസുമം ജോസഫ് നിര്വ്വഹിച്ചു.
എസ്.എന്.ഡി.പി യോഗ വാര്ഷികപ്രതിനിധികളുടെ സംയുക്ത സമ്മേളനം ഇരിങ്ങാലക്കുട എസ്.എന് ക്ലബ്ബ് ഓഡിറ്റോറിയത്തില് വെച്ച് ചേര്ന്നു. യോഗം ദേവസ്വം സെക്രട്ടറി തുഷാര് വെള്ളാപ്പിള്ളി ഉദ്ഘാടനം നിര്വ്വഹിച്ചു.
ഇരിങ്ങാലക്കുട പ്രതീക്ഷാഭവന്റെ രജതജൂബിലിയോടനുബന്ധിച്ച് സ്ക്കൂളില് അദ്ധ്യാപക ദിനാഘോഷം നടന്നു. ഇരിങ്ങാലക്കുട രൂപതാ വികാരി ജനറാള് റവ.ഫാ. ജോസ് ഇരിമ്പന് ഉദ്ഘാടനം നിര്വ്വഹിച്ചു.
ഇരിങ്ങാലക്കുട നഗരസഭ ചെയര്മാന് ഇരിങ്ങാലക്കുടയിലെ ജനങ്ങളേയും മാധ്യമങ്ങളേയും കബളിപ്പിക്കുകയാണെന്ന ഭൂമാഫിയ വിരുദ്ധ സമിതി പത്രസമ്മേളനത്തില് ആരോപിച്ചു.